正文
民谣:想想过去吃苦头
发布机构:办公室     发布时间:2015-07-20     信息来源:庵东“七·二三”盐工革命斗争史陈列馆
字体大小:【】     浏览次数:      背景颜色:

日本鬼子
想想过去吃苦头,日本赤佬凶煞头。
到处防火杀人头,强奸妇女勿等落日头。
篱笆打在塘南头,六塘打到草场头。
盐民住在窝里头,呒通行政要杀头。
和平伪军倚头牌,捉差拉夫打前头。
枪柄捣烂屁股头,柴爿打碎脚骨头。
刺刀戳进胸脯头,送掉性命没话头。
盐民都是硬骨头,起来反抗拼拳头。

 

地主恶霸
想想过去吃苦头,穷人日脚没尽头。
三伏炎暑猛日头,三九严寒北风头。
地主恶霸吃喝玩乐屋里头,
盐民老小中年辛苦盐滩头。
地主吃鱼吃肉八碗头,盐民吃糠吃草六谷头。
难熬八月月半头,田租铜钿算清头。
地主恶霸歪着头,收了钞票勿回头。
倘若不给算清头,来年就要换户头。
要想保牢饭碗头,卖囡卖儿也要算清头。

 

土匪
想想过去吃苦头,土匪强盗吓人头。
金丝草帽戴在头,腰里别着短枪头。
走进侬格屋里头,要侬今朝多花头。
待他好像祖宗头,下饭酱烧狮子头。
老酒要喝大甏头,香烟要吃廿支头。
倘若弄得勿对头,夜里要吃生活头。
日落西山黄昏头,踢门冲进屋里头。
手枪对准胸脯头,拿起一只破碗头。
“丝拉、丝拉”刨起脚骨头,
还要交通银行五元头。

 

蓬长
想想过去吃苦头,蓬长好比老虎头。
反动派的蟹脚头,专吃盐民的老骨头。
阴历六月廿几头,晒烟正是旺季头。
盐民卖盐抢前头,挑盐挑得起忙头。
可恨老天勿清头,黑云压城赶阵(雨)头。
蓬长肚里笃盘头,旺潮白蟹牵进网里头。
有意睡在床里头,好像死尸摊板头。
雷雨快到脚后头,盐箩摆在仓外头。
盐民急得钻心头,争先恐后抢前头。
蓬长开始耍滑头,称箩勿用秤陀头。
只用一只手指头,两筐称秤一箩头。
盐民的汗血刮进蓬长袋里头,
造起瓦屋双居头,大小老婆加姘头。
金华火腿要吃原只头,绍兴老酒要吃原甏头。
盐民一年苦到头,裤头从脚吃到头。

相关新闻
    最新关注